Skandali i pasurisë, dorëhiqet aleati i Putinit

20:37 / 20.02.2013

Një figurë kryesore e politikës ruse dhe partisë së presidentit Vladimir Putin dha dorëheqje, pasi aktivistët opozitarë kërkuan shpjegime mbi një seri pronash private që duket se ai zotëron në SHBA.

Vladimir Pekhtin dha dorëheqjen edhe si deputet i Parlamentit Rus, ku kryesonte komisionin e etikës.

Kjo dorëheqje përbën një arritje të madhe për aktivistin opozitar Alexei Navalny, i cili publikoi dokumentat në fjalë në një faqe interneti.

Megjithatë, Pekhtin theksoi se i gjithë skandali rreth pasurisë së tij është një “keqkuptim” dhe se do të provojë se “është në anën e ligjit dhe transparencës”, transmeton TCH.

Zyrtari shtoi se dorëheqja është e përkohshme, përsa kohë të provohet përtej dyshimit që nuk është i përfshirë në asnjë situatë korruptive apo të konfliktit të interesit.

Pekhtin refuzoi fillimisht të pranonte pronësinë e dy apartamenteve në Florida, duke thënë se ato i përkisnin të birit. Megjithatë, Navalny publikoi dokumente të reja, ku firma e deputetit shfaqej mbi aktin e blerjes dhe atë të pronësisë.

Ndonëse ishte i detyruar nga ligji, Pekhtin nuk i kishte vendosur apartamentet midis pasurisë së deklaruar prej tij. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.