Skenderaj: Zjarrëvënie në një autobus
Policia e Kosovës njoftoi se një autobus, tip “Mercedes” model 350, me targa vendore, besohet se është djegur si rezultat i zjarrvënies së qëllimshme.Rasti është raportuar të ketë ndodhur rreth orës 03:30min, në fshatin Pemishtë të Skenderajt, përkatësisht në afërsi të pompës së derivateve “Nebi Petroll”.
“Dëme të konsiderueshme materiale janë shkaktuar në autobus ndërsa nuk është raportuar për të lënduar në njerëz. Hetuesit policor dhe teknikët e kriminalistikës të cilët kanë bërë këqyrjen dhe mbledhjen e provave materiale nga vendi i ngjarjes, besojnë se rasti mund ndërlidhet me vepër penale të zjarrvënies së qëllimshme”, thuhet në kumtesë.
Hetuesit policor kanë kontaktuar viktimën e këtij rasti, një 32 vjeçar, i cili është intervistuar nga policia.
Policia e Kosovës ka regjistruar rastin si vepër penale “shkaktim i rrezikut të përgjithshëm” ndërsa rrethanat dhe motivet e rastit të regjistruar, mbeten të panjohura deri në këtë moment. /Telegrafi/
