Sonte debati Biden-Ryan
Nënpresidenti i Shteteve të Bashkuara, Joe Biden, dhe kandidati nga radhët e republikanëve, Paul Ryan, do të debatojnë sonte ballë për ballë në shtetin jugor të Kentucky-t. Debati i nënpresidentëve ndodh pas debatit ndërmjet presidentit Barack Obama dhe kandidatit republikan për presidenti Mitt Romney.
Mediat raportojnë se Romney ka përjetuar rritje në sondazhet e opinionit, pas asaj që analistët e kanë konsideruar si performancë të mirë në debatin e parë televiziv me presidentin Barack Obama.
Obama ka thënë se ka qenë shumë i sjellshëm gjatë debatit.
Zgjedhjet presidenciale në Shtetet e Bashkuara do të mbahen më 6 nëntor. /Rel/Telegrafi/
