Stafi lokal i UNMIK-ut në veri të Mitrovicës - pa rroga!

22:52 / 28.12.2012

Zëdhënësi i UNMIK-ut, Olivie Salgado, njoftoi sot se zyra e UMIK-ut në Mitrovicë, për arsye të zvogëlimit të buxhetit, pas Vitit të Ri nuk do të vazhdojë kontratat me të punësuarit e atjeshëm që i takojnë stafit lokal.

Në njoftim përkujtohet se zyra në Mitrovicë është instaluar në vitin 2002 dhe se përkohësisht është financuar nga buxheti i Kosovës.

Nga viti 2011, pa kurrfarë konsultimi paraprak autoritetet kosovare kanë zvogëluar mjetet për buxhetin e kësaj zyre, tha Salgado, transmeton koha.net.

Pas instalimit të Zyrës Administrative të Republikës së Kosovës në pjesën veriore të Mitrovicës, nga qershori i këtij viti u ndalën rrogat për stafin lokal që punonte për UNMIK-un.

“Megjithëkëtë, misioni i UNMIK-ut do të vazhdojë të angazhohet me faktorët relevantë për gjetjen e zgjidhjeve praktike për popullsinë dhe për të shmangur pasojat eventuale negative”, tha zëdhënësi i misionit, duke shtuar se ajo do të bëjë të gjitha përpjekjet për të përmbushur rolin e saj në parandalimin e konflikteve dhe në ndërmjetësim. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.