Takimi me ndikimin amerikan
Shtrëngimi i duarve midis kryeministrit të Kosovës, Hashim Thaçi dhe ish-presidentit serb Boris Tadic ka qenë si rezultat i presionit të fuqishëm të amerikanëve.Kjo bëhet e ditur sot nga mediat kroate ,të cilët kanë ndjekur nga afër takimi kokë më kokë në Dubrovnik të Thaçit dhe Tadicit, në kuadër të Samitit Kroacia 2012.
Gazeta kroate "Vecernji list" shkruan se dy liderët u takuan shkurt nën buzëqeshjet e tharta, edhe atë në fund të Samitit.
"Ish-presidenti serb vazhdimisht kishte shmangur takimet me kryeministrin e Kosovës në ngjarje të tilla diplomatike, por me ndikimin e diplomacisë amerikan të shtunën ndodhi takimi në Dubrovnik", shkruan gazeta.
Sipas "Vecernji list", kryeministri i Kosovës edhe përkundër këshillave të amerikanëve, kishte shmangur idenë që të takohet me ish-presidentin serb Tadic jashtë ambienteve të Samitit.
Portali Index.hr shkruan se ky shtrëngim duarsh është i tepërt të quhet historik, por janë shprehur kritikat e serbëve nga ana e mediave në Beograd dhe partive politike, transmeton indexonline. /Telegrafi/
