Takohen për të përkrahur dialogun
Takimi ndërmjet presidentes së Kosovës, Atifete Jahjaga dhe presidentit të Serbisë, Tomislav Nikolic, është në vazhdën e përpjekjeve për t’i dhënë mbështetje institucionale gjithë procesit të dialogut që po udhëhiqet nga kryeministrat e Kosovës dhe të Serbisë, ka theksuar Ramush Tahiri, këshilltar i presidentes Jahajaga.“Takimi do të jetë edhe simbolik edhe përmbajtjesor. Do t’i jepet mbështetje institucionale gjithë procesit të dialogut dhe zbatimit të marrëveshjeve”, ka thënë Tahiri për Telegrafin.
Raundi i ardhshëm i bisedimeve me Serbinë pritet që të fokusohet vetëm për çështjen e strukturave që i financon Serbia në veri të Kosovës.
Tahiri më herët ka deklaruar se në veri ka struktura ilegale, por që nuk mund të etiketohen si struktura paralele, për shkak se atje mungojë strukturat legale të Republikës së Kosovës.
“Në veri ka edhe struktura paralele edhe ilegale edhe ilegale-paralele. Të gjitha të jashtëligjshme”, ka thënë Tahiri.
Presidentja e Jahjaga është takuar të kryeministrin Hashim Thaçi, gjatë të cilit është biseduar për dialogun ndërmjet Republikës së Kosovës dhe Republikës së Serbisë. /Telegrafi/
