Taksisti vjedh dy turistet në Korçë, arrestohet
Dy turiste janë grabitur mbrëmjen e së hënës në qytetin e Korçës. Dy vajza, përkatësisht një gjermane e një austriake 25 vjeçe janë vjedhur rreth orës 20:00.Turistet Lara Bogataj e Sabrina Elisabeth, ishin nisur nga Korça në drejtim të Leskovikut me taksi. Por në afërsi të Korçës shoferi u ka grabitur disa nga sendet që kishin në çanta dhe i ka zbritur nga makina duke i braktisur në mes të rrugës, njofton Noa.
Dy turistet kanë kërkuar ndihmën e banorëve kanë denoncuar në polici ngjarjen. Menjëherë është bërë arrestimi i shoferit, Oltian Trajkos 28 vjeç nga Korça. Po ashtu në banesë janë gjetur dhe sendet e vjedhura, paratë, kamera, parfume e sende te tjera me vlerë. /Telegrafi/
