Tanushë, plagoset bariu nga shpërthimi i minës
Një bari i fshatit Tanushë të Karadakut të Shkupit është plagosur sot rëndë nga shpërthimi i një mjeti shpërthyes në periferi të këtij fshati.Sipas policisë kufitare, bariu ka qenë viktimë e mjetit shpërthyes - minë këmbësorie, e cila ishte shkelur nga një dele, që më pas nga shpërthimi ka pësuar bariu 31 vjeçar, me inicialet N.Xh., transmeton INA
Ai menjëherë është dërguar për shërim në spitalin e qytetit në Shkup dhe gjendet jashtë rrezikut për jetë.
Autoritetet theksuan se mjeti shpërthyes dyshohet të ketë ngelur i pa shpërthyer që nga konflikti i armatosur i vitit 2001 në këtë zonë në kufi me Kosovën. /Telegrafi/
