Të dënuarit në rastin “Bllaca 2”, ende të lirë

21:31 / 25.02.2013

Të dënuarit në rastin “Bllaca 2”, ende vazhdojnë të jenë të lirë, që nga dita kur nuk u paraqitën në seancën gjyqësore, ku iu shqiptua dënimi me burgim.

Ka 64 ditë që Policia po kërkon Shpresim Ukën, Driton Hajdarin dhe Bekim Sylën të dënuar për vrasjen e Ibush Kllokoqit dhe tentim-vrasjen e Adem Salihajt.

Që të tre janë të dënuar me gjithsej 34 vjet burgim, por vazhdojnë të jenë të lirë, transmeton KTV.

Urdhër arresti i gjykatës vazhdon të jetë në fuqi, e Policia thotë se në baza ditore po angazhohet për gjetjen e të dënuarve, por deri tash pa sukses.

I dënuari maksimal në këtë rast, Shpresim Uka që nga atëherë nuk ka kontaktuar as me avokaten e tij.
Ajo beson në pafajësinë e klientit të saj, për të cilin thotë se pavarësisht mos kontaktit, do të bëjë ankesë në Gjykatën e Apelit.

Por, mbrojtja, me gjithë skadimin e të gjitha afateve, nuk e ka pranuar aktgjykimin e shkruar. Kjo premtohet se do të bëhet brenda pak ditësh nga EULEX-i. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.