Temperaturat deri në 40 gradë
Territori i Maqedonisë do të përfshihet nga vala e të nxehtit, njoftoi Enti për hidrometeorologji në Shkup. Sipas paralajmërimeve, temperatura e ditës do të jetë prej 38 deri në 40 gradë celsius. Në bazë të planit aksionar të Ministrisë së Shëndetësisë, institucionet shëndetësore janë të përgatitura për sigurimin e shërbimeve shëndetësore në rast të rritjes së numrit të pacientëve nga ndikimi i temperaturave të larta.
Rekomandohet që qytetarët dhe sidomos ata me probleme shëndetësore të shmangin ekspozimin e tyre në ambiente të hapura nga ora 11 deri në ora 16.00, për shkak të rrezikut nga rrezatimi UV, shkruan Ina.
Temperaturat e larta do të vijojnë edhe gjatë tërë javës së ardhshme, ndërsa nga dita e premte pritet rënia e temperaturave dhe mundësia e reshjeve të shiut. Meteorologët parashikojnë që nga fundi i javës së ardhshme të regjistrohen rënie të temperaturave nën 30 gradë celsius. /Telegrafi/
