Tepelenë, dy të arrestuar për zjarrvënie të qëllimshme

Burime nga polica e Tepelenës bëjnë me dije se janë arrestuar shtetasit Fori Pashai dhe Nuri Llakbarjami.

Nga hetimet paraprake mësohet se personat në bashkëpunim me njëri-tjetrin i kanë vënë zjarrin kullotës në Krahs.

Sipas policisë zjarri është vënë me qëllim rigjenerimin e kullotës, ndërkohë që si pasojë e erës zjarri është përhapur duke shkaktuar djegien e 5 hektar kullote dhe 333 rrënjë ullinj.

Mësohet se zjarri rrezikoi edhe disa shtëpi përreth. Ndaj dy personave të arrestuar ka nisur procedimi penal për zjarrvënie të qëllimshme. /Bw/Telegrafi/