Thaçi, Kurtit: Mos e moho vendlindjen tënde, Vlladimirin

15:51 / 12.12.2012

Një debat i ashpër mes kryeministrit, Hashim Thaçi dhe kryetarit të Vetëvendosjes, Albin Kurtit u zhvillua në seancën e Kuvendit të Kosovës, në të cilën seancë Thaçi raportoi për takimin me kryeministrin serb, Ivica Dacic.

Pas fjalimit të deputetit Kurti, ku ai tha se kryeministri bënë patriotizëm në Shqipëri duke e ngritur flamurin kombëtar, ndërsa në kufi me Serbinë nuk guxon ta bëjë atë , ka reaguar Thaçi.

Siç njofton “Express”, ai e ka pyetur Kurtin, se si patriot që tregohet, pse nuk shkon që flamurin kombëtar ta ngrit në Vlladimir të Malit të Zi ku ai e ka vendlindjen.

Ndërsa përgjigja e Kurtit ka qenë se atij vendi nuk i thuhet Vlladimir por i thuhet Katërkollë, dhe se ai e as babai i tij nuk e kanë vendlindjen atje.

“Unë kam lindur në Prishtinë”, ka thënë Kurti. 

Më pas, ka folur Thaçi.

“Kurrë nuk e përmendet vendlindjen tuaj. Ai që e mohon vendlindjen e vet, e mohon edhe kombin e vet”, ia ka kthyer Kryeministri.

Kryeministri po ashtu ka akuzuar deputetin e Vetëvendosjes, Liburn Aliun, se e ka fshehur armën gjatë luftës dhe iu ka dorëzuar policisë serbe.

Akuzat janë mohuar nga Aliu, sipas të cilit, arrestimi i tij ka ndodhur në Ulpianë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.