Thelohet bashkëpunimi i ushtrisë turke me FSK-në
Komandanti i Forcës së Sigurisë të Kosovës, gjenerallejtënant Kadri Kastrati ka prit të martën me nderime ushtarake Komandantin e Forcave Tokësore Turke, gjeneralin Hayri Kivrikoglu me bashkëpunëtorë. Për nder të Komandantit të Forcave Tokësore Turke, është rreshtuar Garda Ceremoniale e FSK-së, ndërsa Banda frymore e FSK-së, intonoi himnet kombëtare të Turqisë dhe Kosovës.
Komandanti i FSK-së, me këtë rast e ka falënderuar Komandantin e Forcave Tokësore Turke dhe ambasadoren e Turqisë në Kosovë, për ndihmën e vazhdueshme që Turqia dhe Ministria e Mbrojtjes e Turqisë po i japin Kosovës dhe FSK-së.
Kastrati e ka njoftuar delegacionin e lartë ushtarakë të Turqisë, me të arriturat e FSK-së, si: plotësimin e Kapaciteteve Operacionale, bashkëpunimin me ministrit e Mbrojtjes në botë dhe me Objektivat e FSK-së për vitin 2013.
Komandanti i FSK-së, gjeneral Kastrati theks të veçantë i dha bashkëpunimit me Ministrinë e Mbrojtjes të Turqisë, në të gjitha fushat, të dala në bazë të Memorandumit të Bashkëpunimit në mes të dy ministrive të FSK-së dhe Turqisë.
Ndërsa gjenerali Kivrikoglu ka falënderuar gjeneral Kastratin për pritjen dhe i ka premtuar se do ta kenë ndihmën e Ushtrisë së Turqisë në zhvillimin e mëtejmë të FSK-së. /Telegrafi/
