Therandë, shantazh me incizime pornografike
Dy persona janë arrestuar nga policia në Therandë, pasi kishin ushtruar shantazh për marrëdhënie seksuale ndaj një gruaje. “Hetues policorë nga Theranda, në orët e vona të mbrëmjes, në afërsi të objektit Ben-Af në Therandë kanë arrestuar S. Azemin nga një fshat i Skenderajt, ndërsa sot është arrestuar N. Morina nga rrethi i Prizrenit, nën dyshimin e bazuar se të njëjtit në bashkëveprim kanë kryer disa vepra penale ndaj një viktime femër, për siç thuhet kanosje; detyrim, incizim i paautorizuar dhe shantazh për marrëdhënie seksuale”, thuhet në një komunikatë të policisë, transmeton KP.
Sipas hetimeve të para dyshohet se të njëjtit kanë përfituar shërbime seksuale në dëm të viktimës, duke i bërë shantazh me disa fotografi të papërshtatshme pornografike. Në konsultim me prokurorin, të dyshuarit ndalën nën masën e arrestit policor, ndërsa provat materiale do t’i kalojnë prokurorisë për procedura të mëtejme. /Telegrafi/
