Tiranë, arrestohet punonjësi i FNSH-së
Një operacion i policisë së Tiranës ka bërë të mundur arrestimin e një punonjësi të repartit të Forcave të Ndërhyrjes së Shpejtë, i akuzuar për trafik armësh dhe municionesh luftarake.Burime zyrtare nga policia thanë për NOA se 28 vjeçari Denis Skuni, me banim në Tiranë, punonjës i repartit të FNSH, u vu në pranga pasi në rrugën “Kongresi i Lushnjës” është kapur në flagrancë, ku gjatë kontrollit fizik iu gjetën në çantën e tij të krahut një armë zjarri, pistolete tip “Makarov”me një krehër me shtatë copë fishekë luftarakë të kalibrit 9 mm të cilën e mbante pa leje.
Sakaq, gjatë kontrollit të ushtruar në automjetin e tij tip Benz, ndër të tjera janë gjetur dhe sekuestruar në cilësinë e provës materiale 7 krehër automatiku dhe një sasi 130 copë fishekësh luftarakë model 56, kalibri 7.62 mm, një sasi prej 20 copë fishekë model 54, kalibri 7.62, tre fenelina dhe një shkop bejsbolli.
Ndër të tjera, për të plotësuar hetimin, Skunit iu sekuestrua në cilësinë e provës materiale rdhe arma organike e shërbimit: një pistolete e tipit TT.
Lidhur me këtë rast, materialet në ngarkim të tij i kaluan Prokurorisë së Tiranës. /Telegrafi/
