Tiranë, luanin me ndezës granatash, plagosen 3 adoleshentë
Shpërthimi i një granate, dyshohet të jetë shkak i plagosjes së tre personave, sot në rrugën ‘Hamdi Cenoimeri’ të Kombinatit. Sipas policisë së Tiranës, personat e plagosur janë të mitur të moshave 13-15 vjeçar, ndërsa mësohet se lëndën shpërthyese, ndezës granate e kanë gjetur dhe kanë nisur të luajnë me të.
Nga shpërthimi i saj, njëri prej të miturve të plagosur, A.Xhepa, ka dëmtime në trup, ndërsa një tjetër me emrin A.Merja ka dëmtime në sy. Ndërsa, i plagosuri tjetër është adoleshenti F.Xhepa.
Ndërkohë që policia sqaron se tre djemtë ndodhen në Spitalin Ushtarak dhe janë jashtë rrezikut për jetën.
Ekspertët e policisë ndodhen në vendngjarje dhe po hetojnë për të përcaktuar llojin e lëndës plasëse si dhe origjinën e saj. /Bw/Telegrafi/
