Tiranë, policia parandalon një vrasje
Forcat e policisë në Tiranë arritën të shmangin një vrasje, ngjarje e ndodhur në vendin e quajtur Rrotullimi i Doganës.Policia ka marrë një telefonatë që tregonte se kishte një zënkë midis disa personave. Menjëherë në vendin e ngjarjes janë dërguar shërbimet e Komisariatit te Policise Nr.3 Tiranë, duke koordinuar veprimet me shërbimet e Forcës së Posaçme Operacionale të Drejtorisë së Policisë të Qarkut Tiranë, të cilat me të mbërritur kanë konstatuar duke u përleshur dy shtetas, ku njëri prej tyre ka nxjerrë nga brezi një pistoletë dhe ka tentuar të qëlloje personin tjetër.
Sipas Start, forcat e policisë kanë ndërhyrë në kohë duke shmangur ngjarjen me pasoja të rënda, si dhe duke bllokuar dhe sekuestruar në cilësinë e provës materiale një pistoletë Mini Blou, me një krehër me katër fishekë.
Pas shuarjes se konfliktit, ka rezultuar se autor i kësaj ngjarje, është shtetasi B. Bermetaj, 17-vjeç, i cili është konfliktuar për motive të dobëta me shtetasin A. C. I arrestuar është person i njohur për policinë, pasi ka precedentë kriminal në krimet kundër personit dhe pasurisë. /Telegrafi/
