Tiranë: Tentohet grabitja e fabrikës, maskat lidhin 11 punëtorët

21:49 / 11.02.2013

Tentohet grabitja e një fabrike prodhimesh kozmetike në kryeqytet. Ngjara ka ndodhur mbrëmjen e sotme në një fabrikë në afërsi të xhamisë, në Sauk. Mësohet se dy persona të maskuar dhe të armatosur kanë hyrë në brendësi të fabrikës, ndërsa brenda gjendeshin vetëm 11 punëtorët.

Nga vendngjarja mësohet se, grabitësit i kanë lidhur punëtorët dhe kanë kërkuar për arkën e parave. Në pamundësi për të gjetur të holla brenda fabrikës ata kanë liruar punëtorët dhe janë larguar nga vendngjarja, transmeton BW.

“Grabitësit tentuan të vidhnin para e mjete materiale, qëndruan pak minuta në fabrikë”, tha një burim i policisë.

Ka qenë një dëshmitar jashtë fabrikës, ai që ka lajmëruar policinë.

Grabitësit nuk kanë arritur të marrin gjë nga fabrika, ndërsa policia i ka shpallur në kërkim. Burime të policisë së kryeqytetit sqarojnë se, dy grabitësit janë larguar drejt Farkës së Vogël. Prandaj në këto momente forcat e policisë kanë nisur një aksion në zonën e Farkës, Priskës dhe Mulletit për kapjen e tyre.

Policia sqaroi se “po verifikohen dhe kamerat e bizneseve të zones”, për identifikimin e tyre, ndërsa nuk përjashtohen as dyshimet se grabitësit mund të kenë bashkëpunuar me punëtorët. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.