Topi: Zgjedhjet në rrezik

22:21 / 1.02.2013

Gjatë ceremonisë së hapjes së zyrës së Frymës së Re Demokratike në Orikum, kryetari i kësaj force, Bamir Topi, deklaroi se FRD nuk është krijuar artificialisht.

“Partitë e vjetra kanë shkaktuar zhgënjim” tha Topi, duke shpjeguar se gjysma e popullsisë as nuk shkon të votojë.

“Ka pasur mjaftë diskutime në ditët e fundit për koalicionet. Unë ju them se për një parti të re duhet një konsolidim i fortë. Ne forcojmë kuotat tona dhe pastaj vendosin strukturat përkatëse. Të tjerat janë spekulime. Ne jemi të strukturuar në këtë mënyrë, me vullnetin për të mos bërë koalicion me partitë e vjetra politike”, deklaroi Topi, transmeton Top Channel.

Duke përmendur Kodin Zgjedhor, me të cilin do mbahen edhe zgjedhjet, kreu i FRD-së tha se vendi ka sot një kod që po projekton zgjedhje të manipuluara dhe të deformuara.

Dy ditë më parë, zërave për bisedime me LSI, PBDNj apo PDIU, për të qenë në një aleancë parazgjedhore për të maksimalizuar votën, nënkryetari i FRD-së, Aleksandër Biberaj, iu përgjigj duke thënë se kjo parti është e hapur për të gjitha të ashtuquajturat parti të vogla, por përjashton ndër to partitë që perceptohen si të korruptuara.

“Përjashtojmë partitë e vjetra, që kanë qenë simbol i korrupsionit e që nuk kanë punuar për interesat e shqiptarëve. Të tjerat, ato të qendrës së djathtë, mbeten aleate të FRD-së”, deklaroi Biberaj. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.