Trajkovic: Po më përndjek SPS-i

22:29 / 18.08.2013

Shkarkimi nga posti i u.d. të drejtorit të shtëpisë së shëndetit në Graçanicë, nga ana e kryeministrit serb, Ivica Dacic, është rezultat i armiqësisë dhe përndjekjes personale të SPS-it (Partisë Socialiste të Serbisë), thotë Rada Trajkovic, që është edhe deputete e Listës Unike Serbe në Kuvendin e Kosovës.

“Që nga viti 1999, familja ime dhe unë kemi jetuar të lirë vetëm kur në kohën kur kryeministër ishte i ndjeri Zoran Dindic. Socialistët në qeverinë e Mirko Cvetkovicit, në veçanti kryeministrit aktual Ivica Dacic, kanë kërkuar shkarkimin tim, por nuk kanë mbështetje. Pavarësisht nga ky dënim i paarsyeshëm, ata nuk do të kenë sukses të më largojnë nga gjithçka që kam bërë për të ruajtur sigurinë maksimale shëndetësore të popullsisë së Kosovës”, thotë Trajkovic, transmeton Danas.

E pyetur nëse pasardhësi i saj në postin e drejtorit do të jetë "likuidues", siç thonë disa analistë, Trajkovic thotë se "për planet duhet të pyesni Hashim Thaçin, i cili me Ivica Dacici ka aranzhime të brendshme”.

Ajo thotë se e di arsyen e shkarkimit të saj, por nuk e ka ndërmend të ankohet. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.