Tre të plagosur nga shpërthimi i bombolës së gazit në Shkodër
Një shpërthim gazi në një pikë të mbushjes se bombolave në Shkodër shkaktoi plagosjen e tre personave, dy prej të cilëve janë në gjendje të rëndë.
Ngjarja ndodhi paraditen e së shtunës tek ish-SMT-ja, në dalje të qytetit të Shkodrës, kur të plagosurit ishin duke kaluar pranë pikës së shpërndarjes.
Për pasojë mbetën të plagosur Andi Hysa, 19 vjeç, dhe Petraç Uldedaj, 54 vjeç, të cilët u transportuan në Tiranë për shkak të plagëve të rënda. Ndërkohë raportohet dhe për një të plagosur, por në gjendje më të lehtë.
Sipas BalkanWeb, hetimi është përqendruar edhe në dy pista të tjera, ajo e kontaktit elektrik derisa janë ndezur aparaturat për të bërë mbushjen e bombolës, kurse pista e dytë është ajo aksidentale, ku bombola mund të ketë shpërthyer ndoshta nga një cigare e ndezur. /Telegrafi/
