Tre të vrarë nga të shtënat në Teksas
Policia ka njoftuar se është vrarë personi i armatosur, i cili mbrëmë vonë i ka vrarë dy persona, gjatë të shtënave që ndodhën afër një kompleksi universitar në shtetin Teksas.Gjatë të shtënave afër Universitetit Teksas A&M, në College Station, pos personit të armatosur, janë vrarë një polic dhe një civil, ndërsa janë plagosur tre policë dhe një grua.
Ky incident ndodhi në periudhën kur në Shtetet e Bashkuara mbretëron shqetësim lidhur me dhunën me armë, raportojnë mediat.
Muajin e kaluar, një person pat vrarë 12 vetë dhe plagosur afro 60 të tjerë në një kinema në Kolorado, ndërsa më 5 gusht, nga të shtënat e një personi të armatosur në tempullin Sikh në Wiskonsin, u vranë gjashtë vetë. /Telegrafi/
