Trembëdhjetë alpinistë të vdekur nga orteku
Një tragjedi ë rëndë ka ndodhur dje në malet e Nepalit, kur një ortek ka përpirë alpinistë teksa ngjiteshin në malin Manaslu, maja e tetë e botës (8.156 metra) në zonën e Himalajeve, me një bilanc provizor prej 13 të vdekurish, ndërsa 12 alpinistë janë shpëtuar.Pjesa më e madhe e viktimave janë me kombësi franceze, siç ka njoftuar Ang Tschering, zv/presidente e shoqatës së alpinistëve të Nepalit. Pasi ka folur me anëtarët e ekipit, ajo ka shpjeguar se viktimat e tjera janë edhe një ose dy spanjollë, një italian, një nepalez dhe një gjerman.
Bëhet e ditur gjithashtu se "nën ortek duhet të ketë të tjerë alpinistë".
Sipas detajeve nga incidenti, një copë akull nga mali është shkëputur dhe ka rënë në kuotën 7.000 metra, ndërkohë që gjithë alpinistët ishin duke fjetur nëpër çadra. /Telegrafi/
