"Unitet absolut" për vazhdimin e dialogut me Kosovën
Në takimin e autoriteteve më të larta të Serbisë është theksuar “uniteti absolut” për vazhdimin e bisedimeve me Kosovën, ka njoftuar Marko Gjuric - këshilltar për politikë të jashtme i presidentit serb Tomislav Nikolic“Në këto bisedime, Serbia hyn me besim dhe qëllim të qartë. Qëllimi është krijimi i bashkësisë së komunave”, ka thënë Gjuric, transmetojnë mediat serbe.
Takimi në fjalë i paraprin raundit të ardhshëm të bisedimeve midis kryeministrave të Kosovës dhe Serbisë, i cili do të mbahet më 19 shkurt në Bruksel.
Serbia këmbëngul në platformën e saj për Kosovën, e cila parasheh status të autonomisë për komunat me shumicë serbe në veri.
Prishtina zyrtare ka kundërshtuar fuqishëm këtë dokument. /Telegrafi/
