Vajza “e zhdukur” gjendet te kushërinjtë e nënës së saj
Pesëmbëdhjetëvjeçarja F. A. nga Hani i Elezit, e cila javën e kaluar ishte lajmëruar si e zhdukur nga familjarët, është kthyer vetë në shtëpi.Policia Rajonale në Ferizaj ka njoftuar se vajza e raportuar si e zhdukur që nga e mërkura e kaluar “është gjetur te kushërinjtë e nënës së saj”.
Rastin e humbjes së saj, në nënstacionin policor të Hanit të Elezit, e kishte paraqitur e ëma e saj. Po ajo, tani ka raportuar gjetjen e saj.
Prindërit kishin thënë se e F. A., brenda dy muajsh, ishte zhdukur pesë herë për pak kohë, “por jo kaq gjatë”, raporton Gazeta JnK.
Qamil dhe Meside A. i kishin thënë Gazetës JnK se vajza e tyre, para tri javësh, ishte dhunuar nga katër persona, “në një servis jashtë Kaçanikut”. Policia, e kontaktuar nga gazeta, ka thënë se nuk është e njoftuar për këtë rast. /Telegrafi/
