Vazhdon të jetë e rëndë gjendja e shtetases gjermane
Mjeku kujdestar në repartin intensiv të QKUK-së, Shaqir Uka, ka thënë për KTV-në se vazhdon të jetë e rënduar gjendja e shtetases gjermane e lënduar gjatë protestës së djeshme.“Po e mbajmë në gjumë me barna për shkak të gjendjes së saj”, ka thënë Uka.
Ai nuk ka dhënë detaje më të hollësishme dhe ekipi nuk është lejuar ta xhirojë pacienten, për shkak se ajo po mbahet nën kujdesin intensiv mjekësor.
Shtetasja gjermane është lënduar dje, por bashkëshorti i saj ka thënë se nuk kanë qenë pjesë e protestës, por vetëm kalimtar rasti, transmeton KTV.
Ndaj 58 personave të arrestuar një ditë më parë, duke përfshirë edhe nënkryetarin Shpend Ahmeti, u është caktuar masa e paraburgimit prej 48 orësh. /Telegrafi/
