Vdes 70-vjeçar në Mirditë, vozitësi nga Prishtina
Një person ka gjetur vdekjen si pasojë e një aksidenti automobilistik në Mirditë. Ngjarja ka ndodhur gjatë mesditës së sotme në aksin rrugor Milot-Rrëshen. Viktima është Ndue Bibaj 70 vjeç nga fshati Fang i Mirditës. Ai është përplasur nga një automjet me targa të huaja dhe si pasojë e plagëve të marra ka gjetur vdekjen e menjëhershme.
Policia ka mbërritur menjëherë në vendngjarje dhe ka shoqëruar edhe drejtuesin e mjetit, shtetasin kosovar nga Prishtina, Rustem Rukovi 41 vjeç, raporton NOA.
Sipas policisë dyshohet se shkak i aksidentit është bërë ndërprerja e rrugës nga 70 vjeçari, por nuk përjashtohet dhe shpejtësia e lartë me të cilën udhëtonte automjeti. /Tegrafi/
