Protestuesit e zemëruar me film anti-islamik “Pafajësia e myslimanëve”, kanë sulmuar edhe ambasadën gjermane dhe britanike në kryeqytetin e Sudanit, Khartum. Ata vunë zjarre në ambasada, ndërsa dogjën edhe flamujt e këtyre dy shteteve. Demonstratat janë duke u zhvilluar pothuajse në të gjitha qytetet e mëdha në Lindjen e Mesme, ndërsa cak i sulmeve janë ambasadat e perëndimore. Më poshtë mund ta shihni hartën ku kanë ndodhur protestat.
Të paktën tre persona u vranë në Khartum, kur policia pranë ambasadës amerikane u përpoq të shpërndante protestuesit. Një prej viktimave është shkelur nga një automjet policor që hasi në turmën që godiste me gurë forcat e policisë.
Zëdhënësi i Departamentit të amerikan për punë të Jashtme ka konfirmuar për BBC se po vazhdojnë demonstratat në kryeqytetin sudanez dhe se në vendin e ngjarjes po ndërhynë policia. Megjithatë, ai nuk mundte të konfirmonte nëse protestuesit hynë në ambasadë, as nëse shkak i rebelimit ishte filmi anti-islamikDhuna vazhdoi në Egjipt, ku qindra policë me gaz lotsjellës janë përpjekur të shpërndajnë 500 demonstrues që sulmuan ambasadën amerikane në Kajro. Në kryeqytetin e Jemenit, ku ditët e fundit janë zhvilluar edhe përleshjet më të përgjakshme, protesta ende po vazhdon.
Në Bangladesh, rreth 10 mijë protestues kanë djegur flamujt amerikan dhe izraelit në Daka, derisa në Indonezi kanë protestuar 350 të tjerë. Në kryeqytetin e Iranit, mijëra njerëz u mblodhën së bashku me brohoritjet "Vdekje Izraelit, vdekje Amerikës", ndërsa 200 vetë u mblodhën në ambasadën amerikane në Damask të Sirisë, e cila me muaj të tërë është e mbyllur. Demonstratat janë raportuar edhe në Tunizi dhe në Jordani, ndërsa në përleshjet në veri të Libanit një protestues u vra, ndërsa të paktën 25 të tjerë janë plagosur. Sipas informacioneve të fundit, në demonstratat në Tunizi janë vrarë dy njerëz, ndërsa 30 të tjerë janë plagosur.
Një grup i të rinjve ka protestuar edhe pranë xhamisë së Gazi Husref-begut në Sarajevë. Protestuesit boshnjak kanë mbajtur parullat: “Vdekje filmit ‘Pafajësia e myslimanëve’”. Organizatorët në dalje të xhamisë kanë shpërndarë fletëpalosje në të cilat cekin se autori i filmit, izraeliti që jeton në SHBA, ka nënçmuar keq myslimanët.
Burimet policore kanë thanë se është marrë vendimi për evakuimin e personelit të ambasadës amerikane në Bruksel, meqë në rrjetet sociale kanë dalë informatat për një sulm eventual. Rreth ndërtesës janë përqendruar forcat policore, ndërsa ka kontrolle të udhëtarëve edhe në transportin publik. Në Bulevardin Regent kontrollohen automjetet e dyshimta, gjë që ka ngadalësuar trafikun. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
Dhuna vazhdoi në Egjipt, ku qindra policë me gaz lotsjellës janë përpjekur të shpërndajnë 500 demonstrues që sulmuan ambasadën amerikane në Kajro. Në kryeqytetin e Jemenit, ku ditët e fundit janë zhvilluar edhe përleshjet më të përgjakshme, protesta ende po vazhdon.
