Veteranët e UÇPMB-së propozojnë zhvendosjen e lapidarit?

21:04 / 19.01.2013

Në mbledhjen e sapo përfunduar të udhëheqjes së dy shoqatave të veteranëve të luftës të UÇPMB-së, e organizuar me kërkesë të Prishtinës dhe të Tiranës, është vendosur që të propozohet zhvendosja e lapidarit të UÇPMB-së nga sheshi i Preshevës në oborrin e xhamisë, ose të Shtëpisë së Kulturës së këtij qyteti, transmetojnë mediat serbe.

Nesër në orën 11.00, në një mbledhje të caktuar me liderët e 6 partive politike të shqiptarëve të Luginës, do të prezantohet ky vendim, transmeton gazeta serbe Blic, citon Koha.net.

Pritet që pas kësaj mbledhjeje të njoftohet Qeveria e Serbisë dhe nga ajo të kërkohen disa ditë për zbatimin teknik të këtij vendimi.

Në mbledhjen e posa përfunduar ka prezantuar edhe përfaqësuesi i OSBE-së.

Po sot, lidhur me fatin e lapidarit të dëshmorëve të UÇPMB-së, ishte mbledhur lidershipi politik shqiptar i Luginës së Preshevës, por marrja e vendimit është prolonguar për nesër./Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.