Vetëvendosja sërish në protesta?

10:11 / 5.03.2013

Nënkryetari i Kuvendit të Kosovës nga radhët e Lëvizjes Vetëvendosje, Glauk Konjufca, ka bindjen se procesi i dialogut mes kryeministrit Hashim Thaçi dhe homologut të tij serb Ivica Dacic, është duke shkuar në drejtim të krijimit të një entiteti të veçantë në veri, i cili më shumë do të kontrollohej nga Beogradi se nga Prishtina.

Në intervistë për “Tribunën”, ai ka thënë se krijimi i një entiteti të tillë do të thotë sikur ta pranosh një bombë të kurdisur politike dhe të sigurisë përbrenda shtetit.

Konjufca nuk e ka përjashtuar mundësinë që Lëvizja Vetëvendosje ta kundërshtojë këtë dialog nëpërmjet protestave dhe demonstratave.

Ai ka deklaruar se me përjashtim të VV-së, pjesa tjetër e opozitës parlamentare nuk synon ta rrëzojë Qeverinë Thaçi. Bile për AAK-në, ka thënë se ka bërë pazare me PDK-në. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.