Vidhen pllakat e “Sheshit të Flamurit” në Vlorë
Për 100-vjetorin e pavarësisë Bashkia e Vlorës ka vendosur rikonstruksionin e Sheshit të Flamurit dhe zonave të tjera historike. Por materialet që përdoren për këto punime nuk u kanë shpëtuar vjedhjes.Gjatë mbrëmjes së djeshme policia e Vlorës ka arrestuar një 51-vjeçar, i cili po vidhte pllakat që do të përdoren për rindërtimin e Sheshit të Flamurit, raporton Noa.
Personi i arrestuar është Gëzim Xhevit Myrtaj, vjeç 51, banues në Vlorë. Ai është kapur nga një patrullë e policisë në Sheshin e Flamurit, teksa ka qenë duke marrë një sasi të konsiderueshme pllakash. Ndaj tij ka nisur procedimi penal për vjedhje. /Telegrafi/
