Vriten 14 ushtarë në Jemen
Zyrtarët e Jemenit thonë se së paku 14 ushtarë janë vrarë kur militantët e dyshuar të Al-Qaedas i kanë sulmuar dy ndërtesa qeveritare në qytetin jugor Aden.Në njoftimin e ministrisë së mbrojtjes së Jemenit thuhet se 11 ushtarë ishin vrarë nga të shtënat kur sulmuesit kishin arritur në hyrje të ndërtesës që shfrytëzohet nga Televizioni shtetëror i Jemenit.
Tre të tjerë janë vrarë disa minuta më vonë nga eksplodimi i makinës – bombë në oborrin e një ndërtese të afërt, që shfrytëzohet nga shërbimi i inteligjencës.
Më tutje, në njoftim theksohet se janë plagosur edhe katër ushtarë të tjerë dhe tre punonjës të televizionit, përfshirë edhe dy femra, transmeton REL.
Qeveria e Jemenit, e mbështetur nga Shtetet e Bashkuara, prej muajit prill është duke zhvilluar një goditje ushtarake të shkallës së gjerë kundër kryengritësve të dyshuar të ndërlidhur me Al-Qaedan /Telegrafi/
