Vriten dy persona në Shkodër
Një ngjarje e rëndë ka ndodhur në Shkodër, ku dy persona janë vrarë me armë zjarri. Sipas informacioneve të fundit, ngjarja ka ndodhur në fshatin Hot i Ri, ku viktimë ka mbetur shtetasi Zef Markaj dhe një person tjetër për momentin i paidentifikuar, transmeton TCH.
Burime policore lokale deklarojnë se nga konflikti i armatosur ka mbetur i plagosur edhe shtetasi Gjergj Markaj, familjar me viktimën.
Për momentin motivet e ngjarjes së rëndë janë të paqarta. Pritet që detajet të dalin në dritë nga hetimet e agjentëve të policisë. /Telegrafi/
