Vriten pengjet në Algjeri (Video)

23:24 / 17.01.2013

Një operacion i pasuksesshëm i ushtrisë algjeriane për lirimin e dhjetëra pengjeve, punonjës të një impianti gazi në Algjerinë, juglindore shkaktoi vdekjen e 49 personave, 35 pengjeve dhe 14 rrëmbyesve, konfirmuan pasditen e së enjtes mediat ndërkombetare.

Agjencia Algjeriane e Lajmeve informoi se katër pengje janë liruar, por pranoi se operacioni është shoqëruar me "humbje te konsiderueshme jetësh", pa saktësuar një numër ekzakt.

Rrjetet e mëdha ndërkombëtare, si BBC, CNN apo agjencitë AFP, ANSA e RIA, përcaktojnë të gjitha në 35 numrin e pengjeve të vrarë deri në orën 17:00.

Aktualisht, ushtarët algjerianë po mbajnë të rrethuar impiantin në afërsi të lokalitetit Ain Amenas, të cilin militantët e pushtuan ditën e mërkurë, pasi vranë një shtetas britanik dhe një algjerian.

Militantët thanë për mediat lokale se forcat ushtarake algjeriane kishin hapur zjarr nga ajri.

Sipas raporteve te para te pakonfirmuara, dyshohet se vrasja e pengjeve ndodhi kur autoritetet qëlluan një autobus, me te cilin pengmarrësit po përpiqeshin të largoheshin nga rrethimi i forcave speciale - së bashku me pengjet.

Ministri i Brendshëm algjerian tha më herët se pengmarrësit ishin algjerianë që vepronin nën urdhrat e Mokhtar Belmokhtar, një ish-komandant i al-Qaedas, në degën e Magrebit Islamik, transmeton “Top-Channel”.

Edhe një banor lokal tha për agjencinë e lajmeve Reuters se ka pasur shumë viktima.

Ndërkohë, një agjenci lajmesh në Mauritaninë fqinje informoi se me militantët e mbetur gjallë mbeten ende edhe shtatë pengje, ndërsa operacioni i forcave speciale algjeriane është ende ne zhvillim.

Ne total, besohet se militantet morën 45 persona, midis të cilëve amerikanë, britanikë, japonezë, francezë, norvegjezë dhe malajzianë. Midis tyre ndodheshin edhe disa vendas, por ata u lanë të lirë në vijim prej pengmarrësve. /Telegrafi/

 

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.