Vucic sot do të “mundohet” t’i bindë serbët e veriut

9:02 / 12.05.2013

Nënkryetari i parë i Qeverisë së Serbisë Aleksandër Vucic sot nga Beogradi vjen në veri të Kosovës me qëllim që “t’i bindë serbët” për të pranuar Marrëveshjen e Brukselit arritur ndërmjet kryeministrit Thaçi dhe atij Dacic më 19 prill për normalizim marrëdhëniesh ndërmjet Kosovës e Serbisë.

Nuk dihet a do t’i bindë Vucic serbët për këtë marrëveshje të cilët kundër saj mbajtën protestë të premten në Beograd në të cilën, edhe nga peshkopë serbë, u kërkua koka e Dacicit dhe të tjerëve “që e tradhtuan Kosovën” dhe “popullin serb të saj”, siç në të vërtetë edhe cili është qëllimi i tij i tij njëmendtë .

Megjithatë premtimet që i ka dhënë Vucic para se të takojë serbët e veriut nuk lënë shumë shpresë. Pos fjalisë së tij tashmë të njohur se “çizmja shqiptare nuk do të shkelë në veri”, ai sot për medie të Beogradit ka shtuar “se do të bisedohet për çdo imtësi, me legjitimët e jo legjitimët” dhe se atje do të them se “politika e Serbisë është se Kosova nuk është e pavarur, se nuk e kemi dhe nuk do ta njohim Kosovën...”, transmeton Koha.net

Aleksandër Vucic takohet me serbët e Kosovës në kohën kur politika zyrtare e Serbisë zvarrit implementimin e marrëveshje së fundit dhe të gjitha marrëveshjet e deritashme nga bisedat “teknike”, ndërsa zyrtarët e Kosovës vazhdojnë ta mbushin gojën me të (me marrëveshjen) “si një e arritur historike”. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.