Vulin: Nuk do të zhbëhen institucionet paralele

19:23 / 7.02.2013

Drejtori i Zyrës për Kosovën në Qeverinë e Serbisë, Aleksandar Vulin, tha se në Kosovë nuk do të ndodhë shpërbërja e institucioneve paralele.

"Ne nuk mund t’i zhbëjmë, por kjo do të ishte diçka pa të cilën serbët në Kosovë nuk do të mund të jetonin”, ka thënë Vulin për B92.

Vulin tha se takimi i djeshëm i Presidentit të Serbisë, Tomislav Nikolic, dhe Presidentes së Kosovës, Atifete Jahjaga, ishte disproporcional, sepse përderisa Nikolici gëzon mbështetjen e madhe në mesin e serbëve, Jahjaga nuk e ka një mbështetje të tillë në mesin e shqiptarëve në Kosovë.

Vulin shtoi se komuniteti ndërkombëtar duhet të kuptojë se “nuk ka zgjidhje të përhershme për Kosovën, pa pëlqimin e Serbisë dhe të serbëve”. Ndërsa, i pyetur nëse statusi i veriut të Kosovës do të zgjidhet në ditët e ardhshme, Vulin tha se kjo zgjidhje jë është e vështirë dhe tepër optimiste. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.