Vulin: Prishtina i ikë dialogut
Shefi i Zyrës për Kosovën në Qeverinë e Serbisë, Aleksandar Vulin, ka thënë se Prishtina po bën përpjekje t'i ikë dialogut me Beogradin dhe se ende nuk është deklaruar për negociatat.Vulin u ka thënë gazetarëve në Kuvendin e Serbisë se ekipi negociues i Beogradit së shpejti do të dalë me "detajet" dhe emrat e njerëzve që do të marrin pjesë në bisedime.
"Prishtina bën përpjekje të ndajë serbët e Kosovës dhe t'i ikë dialogut me Beogradin. Ne nuk do të marrim pjesë në atë lojë", ka thënë ai, transmeton REL.
Vulin ka thënë se Kosova nuk është "patate e nxehtë", por një detyrë me interes të lartë.
Të premten, shefi i delegacionit serb në bisedime, Dejan Pavicevic, ka deklaruar se përfaqësuesit e Prishtinës, Beogradit dhe të Bashkimit Evropian do të diskutojnë të mërkurën në Bruksel “çështjet e pazgjidhura nga Protokolli për menaxhimin e integruar të kufirit”. /Telegrafi/
