Vulin, serbëve të veriut të Kosovës: Negociatat do të vazhdojnë!

0:04 / 1.02.2013

Shteti i Serbisë nuk do të ndërpresë dialogun me autoritetet e Prishtinës në Bruksel dhe do të zbatojë marrëveshjet e arritura, ka thënë në Mitrovicë drejtori i Zyrës për Kosovën në Qeverinë e Serbisë, Aleksandar Vulin, pas kërkesës së serbëve të veriut që të ndërpriten negociatat.

Dhjetë mijë vetë me aklamacion kanë miratuar deklaratën në të cilët thuhet se askush nuk ka të drejtë të pushojë së ekzistuari institucionet serbe në veri të Kosovës, duke kërkuar kështu edhe ndërprerjen e negociatave në Bruksel.

Vulin u tha gazetarëve në Mitrovicë se ndërprerja e dialogut në Bruksel është gjë e keqe për serbët.

"Ne mendojmë se me ndërprerjen e dialogut u jepet hapësirë e madhe institucioneve të përkohshme në Prishtinë që të harrojnë se çfarë kanë bërë me varrezat, të harrojnë se çfarë bëjnë me serbët e gjallë, gjithë atë dhunë, dhe që fokusi ndërkombëtar të drejtohet në Serbi e të thonë: ata nuk duan zgjidhje”, tha Vulin, transmeton Fonet.

"Ne duam zgjidhje, duam negociatat dhe marrëveshje, por ato duhet të jenë brenda kuadrit të asaj që ne kemi biseduar përmes platformës, asaj që ka thënë Kuvendi ynë, politika e Qeverisë dhe Presidentit të Republikës”, shtoi ai.

Vulin tha se me kujdes të ndjekë atë që thonë serbët e Kosovës, por theksoi se bisedimet me autoritetet e Prishtinës janë të nevojshme.

"Negociatat nuk janë të këndshme dhe askush nuk u gëzohet atyre, por janë të domosdoshme për veriun dhe jugun e Kosovës, por edhe për shkak të Serbisë... Ne nuk po e krijojmë një shtet tjetër dhe askush nuk do të detyrojë serbët në Kosovë që të bëhen pjesë e një vendi tjetër. Askush nuk e ka këtë mandat, e aq më pak atë dëshirë", tha Vulin. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.