VV: Kryetari i Gjilanit e punëson bashkëshorten pa konkurs

14:15 / 27.02.2013

Vetëvendosje në Gjilan të mërkurën mbajti konferencë për media lidhur me punësimet që po bëhen, siç theksuan nga ana e kryetarit të Komunës pa konkurse.

Kryetari i Qendrës së Lëvizjes Vetëvendosje në Gjilan, Ismajl Kurteshi kritikoi kryetarin e komunës për nepotizmin në punësim, si në sektorin publik, ashtu edhe në atë privat.

“Kryetari i Komunës, Qemajl Mustafa, e ka punësuar bashkëshorten e tij në Drejtorinë e Arsimit pa konkurs, duke i shkelur të gjitha procedurat e parapara me ligj”, tha ai.

Ai shtoi se në muajin gusht të vitit 2011, për shkak të tejkalimit të numrit të të punësuarve, rrogat e shërbyesve civil u vonuan një javë.

“Kryetari Qemajl Mustafa ka krijuar kategori të jashtëligjshme të të punësuarve si ‘Lista e Kryetarit’, ‘Vullnetarët’ etj., ku vetëm në fund të vitit të kaluar i kishte larguar nga puna mbi 60 të punësuar, pa procedurë, ashtu edhe siç i kishte punësuar me SMS, madje edhe me urdhëresa me shkrim e me gojë...Në fillim të këtij viti ai kishte pranuar se i ka punësuar rreth 25 të punësuar pa konkurs dhe pa asnjë procedurë e asnjë kriter”, thuhet ndër të tjera në kumtesë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.