Zbardhet vrasja në Llakatund, arrestohet një 17-vjecar
Policia e Vlorës ka bërë të mundur zbardhjen e vrasjes së 26-vjeçarit ditën e djeshme në fshatin Llakatund. Mësohet se autori i dyshuar është 17-vjecari, Romario Rrapaj dhe se vrasja ka ndodhur aksidentalisht.Leonard Latifaj (26) u gjet i vrarë me një plumb në kokë mëngjesin e së hënës në fshatin Drithas, Llakatund të Vlorës. Trupi i tij u gjet nga banorët e zonës, anës një lumi të cilët sinjalizuan policinë për krimin.
Policia shoqëroi disa persona që mund të kishin dijeni për krimin dhe vetëm sot paradite arrestoi personin që dyshohet se vrau 26-vjeçarin, transmeton BalkanWeb.
Dyshohet se e shtëna për vdekje ndodhi pikërisht kur viktima dhe autori 17-vjeçar po zhbllokonin një pushkë të cilën e posedonte viktima. Rrapaj pohoi për policinë se pushka model 63 që po pastrohej nga ata te dy, më pas do shitej tek disa të njohurit e të arrestuarit. /Telegrafi/
