Zbogar ia dorëzoi Mustafës Studimin e Fizibilitetit
Kryetari i Prishtinës dhe i LDK-së, Isa Mustafa ka pritur në takim përfaqësuesin e BE-së, Samuel Zbogar, i cili zyrtarisht ia dorëzoi Studimin e Fizibilitetit të Komisionit Evropian për Kosovën.Mustafa dhe Zbogar theksuan se dokumenti i Studimit të Fizibilitetit është një dokument i rëndësishëm për Kosovën dhe paraqet në hap me tutje në proceset integruese të vendit.
Ata janë pajtuar se të gjitha institucionet e vendit, qofshin qendrore apo edhe lokale duhet të punojnë intensivisht që të plotësohet kërkesat e KE-së të paraqitura në dokumentin e Studimit të Fizibilitetit për Kosovën.
Kryetari Mustafa theksoi se të gjitha subjektet me rendësi në vend dhe të gjitha institucionet, në të cilat bie përgjegjësia e realizimit të këtyre kërkesave, duhet jenë konstruktive në plotësimin e këtyre kushteve.
Kreu i LDK-së dhe përfaqësuesi i BE-së në Prishtinë, Samuel Zbogar u pajtuan që në të gjitha proceset politike në vend, Kuvendi i Kosovës duhet të këtë rol me të madh dhe duhet të jetë ai që duhet të jap pëlqimin për këto procese. /Telegrafi/
