Zbulohen edhe dy varreza masive në Bosnje
Ekspertët e forenzikës kanë gjetur dy varreza masive në Bosnjë, ku në njërën besohet se ka viktima nga lufta e viteve të ’90-ta, ndërsa në tjetrën dyshohet se janë viktima të Luftës së Dytë Botërore, njofton agjencia e lajmeve AFP.Mbetjet e nëntë viktimave, mes tyre dhe të një femre, janë gjetur në një varrezë masive në rajonin veri-lindor të Osmaqit, ka thënë Lejla Cengic nga Instituti për Personat e Zhdukur të Bosnje e Hercegovinës.
Cengic ka thënë se viktimat besohet se janë të civilëve myslimanë të vrarë në rajon në nëntor të vitit 1992. Sipas saj, në këtë zonë mund të gjenden 25 viktima, derisa po vazhdojnë ekshumimet.
Në një pjesë në qytetin lindor Rogatica, ekspertët kanë gjetur nje varreze me të paktën 10 skelete, por sipas tyre, nga hetimet e para, ato mund të jenë të ndonjë konflikti tjetër, mbase të Luftës së Dytë Botërore. /Telegrafi/
