Zjarret jashtë kontrollit, në Pukë djigjen 2 banesa
Vazhdon të jetë situatë alarmante me zjarret e shumta që po djegin pyjet në Shqipëri.Disa vatra zjarri shkaktuar dëm të madh mjedisor në pyjet e Qafë Shapkës e Stëblevës në Librazhd, pyjet me pisha në Krrabë ndërkohë që vatra ende aktive vijojnë të djegin masivet me pisha në Orosh e Kryezi të Pukës. Zjarri sot është paraqitur edhe në masivin pyjor në Voskopojë. Ministria e Brendshme njoftoi se 26 vatra zjarri janë aktive.
Vijon situata alarmante me zjarret e shumta që po djegin pyjet në vend, kurse mbetet problematike prej disa ditësh situata me zjarret në Pukë.
Vatrat e zjarrit kanë djegur 10 ha pyje në fshatin Fletë, komuna Blerim. Flakët nuk kanë kursyer as 2 banesa.
Jashtë kontrollit mësohet se ka dalë dhe vatra e zjarrit në Kryezi. Flakët po iu afrohen dhe antenave televizive.
Forca të shumtë zjarrfikëse dhe banorë të zonë po bëjnë përpjekje të mëdha për të shpëtuar pyjet me pisha dhe shtëpitë që sa vjen dhe po kërcënohen dukshëm nga zjarret.
Një zjarr ka përfshirë një masiv me pisha pranë rezervuarit në Voskopojë. Mësohet se zjarri ka rënë mbrëmjen e djeshme dhe vijon me intensitet ditën e sotme, transmeton BalkanWeb.
Punonjës të komunës po punojnë për shuarjen e flakëve, por terreni i thyer malor vështirëson punën. /Telegrafi/
