Zjarret kërcënojnë qytetin e Rahovecit
Zjarri tash katër ditë ka përfshirë një sipërfaqe të maleve afër qytetit të Rahovecit. Ndërsa, ai ende nuk është lokalizuar, kurse flakët e tij po përhapen dhe tash ato kanë përfshirë një sipërfaqe prej një kilometri gjatësi. Ndonëse flakët e zjarrit po përhapen në malet pranë qytetit, për shuarjen e tij ende nuk kanë intervenuar as njësiti zjarrfikësve, as policia.
Telegrafi mund të konfirmojë se zjarri aktualisht nuk është afër vendbanimeve, por banorët frikësohen se flakët mund të përhapen me shpejtësi dhe të rrezikojnë shtëpitë e tyre.
Dyshohet se zjarri është shkaktuar nga një qytetar i paidentifikuar, i cili qëllimisht i ka vënë zjarrin barishteve në tokën e tij, kurse flakët e zjarrit janë përhapur me shpejtësi në malet përreth. /Telegrafi/
