Zvicër: Fyerje raciste në adresë të shqiptarëve të Kosovës (Video)
Një video ka tronditur komunitetin në Facebook. Në video duket një zviceran, në moshë mesatare, në një tren, që fyen në baza racore udhëtarët me prejardhje nga Kosova."Ne nuk duam t’u shohim më. Ju keni një shtet. Kosova është një shtet, shkoni në shtëpi tuaja”, thotë ai.
Fyerjet racore nuk kanë përfunduar me kaq.
“Dhjetë presona me ngjyrë janë më të mirë se sa një shqiptar i Kosovës”, ka thënë personi në fjalë.
Edhe pse udhëtarët tjerë kanë kërkuar nga personi në fjalë që të jenë të qetë , ai ka vazhduar me fyerjet.
“Kosovarët janë njerëzit më të këqij në botë”, dëgjohet duke thënë ai në një tren në relacionin Luzern- Giswil, njofton 20min.
Sipas avokatit, David Gibor, personi ka kryer një vepër penale, në veçanti me atë që shqiptarët e Kosovës i quan "paketë në baltë".
"Fyerjet se shqiptarët e Kosovës janë njerëzit më të këqij në botë ka gjasa për të përmbushur dispozitat penale ne baza racore”, ka thënë Gibor për 20min, transmeton albinfo.
Sipas Alma Wiecken, një juriste në Komisionin Federal kundër Racizmit, gjithmonë është i theksuar diskriminimi verbal. Mirëpo, nuk do të thotë që janë në rritje rastet e tilla.
“Nëse ka dëshmi për sulme të tilla, rasti mund të paraqitet me një ankesë te prokurori publik. Nëse ka një shkelje të ligjit penal kundër diskriminimit racor, personi mund të dënohet", thotë Wiecken.
Videon mund ta shikoni këtu. /Telegrafi/
