“Lapidarogate” vs Watergate
Për fillim u duk sikurse shkoi mirë gjithçka, që nga ndërtimi e deri tek vendosja dhe prezantimi pompoz i këtij monumenti historik dhe shumë të mirëpritur nga populli. Shkuan gati të gjithë ta vizitonin e të vendosin lule në shenjë respekti për të rënët . Bile erdhën edhe mysafirë nga Shqipëria, një ish kryeministër dhe një pretendent për kryeministër për të vendosur lule mbi pllakën ku ishin emrat e dëshmorëve të kombit.
Por, jo gjithçka shkoi mire dhe rozë. Idila dyjavore pas vendosjes së lapidarit përfundoi me një kërkesë ultimative të Kryeministrit serb Dacic për largimin e tij, sepse ishte jashtë normave të ligjit serb për monumentet historike. Dacici nuk kërcënoi në fillim, por thjesht kërkoi largimin e tij nga qendra e qytetit, aty ku ishte vendosur. Shqiptarët refuzuan. Kjo e nervozoi edhe më shumë Dacicin duke nxitur tonet e kërcënimit në vazhdimësi dhe vendosjen e datave si ultimatum për largimin e lapidarit që po problematizohej edhe më shumë.
Kërcënime dhe kundër-kërcënime, reagime dhe kundër-reagime… Mediat bënë punën e tyre – ato infiltruan në vorbullën e një skandali që po dukej se ishte i tillë që nga fillimi edhe fytyrat prominente politike, ushtarake dhe diplomatike të dy republikave shqiptare: Kosovës dhe Shqipërisë. Pas këtyre, skandali "Lapidarogate" përfshiu edhe diplomatët perëndimorë duke arritur deri në Uashington. Po kush do ta kishte imagjinuar dot se një lapidar aq i vogël i vendosur në qendrën e një qyteze do të shkaktonte një ri-përballje të tillë në shqiptaro-serbe dhe përfshirjen e diplomacisë ndërkombëtare . Askush. As edhe ata që e financuan, ndërtuan dhe vendosën.
"Lapidarogate" është skandali që filloi me datën 16 nëntor të vitit 2012, në qytetin e Preshevës, kur shqiptarët duke dashur të festonin 100 vjetorin e shpalljes së Pavarësisë së Shqipërisë, me iniciativën e disa shoqatave shqiptare nga Perëndimi e vendosën një lapidar në formë të një pllake përkujtimore, për të përkujtuar 27 luftëtarët dëshmorë të ish gueriles shqiptare që luftoi për lirinë e këtyre tokave nga kolonializmi serb 100 vjeçar. Ky skandal zgjati 35 ditë dhe përfundoi me datën 20 janar të vitit 2013 pas invazionit ushtarako-policor serb mbi qytetin e Preshevës, kur forcat e dislokuara e larguan me buldozer dhe e "internuan" diku në Serbi.
Ky skandal përfshiu kryetarin e Komunës së Preshevës, veteranët e luftës, ish-udhëheqësit ushtarakë dhe politikë të ish gueriles shqiptare të Luginës së Preshevës, kryeministrin e Kosovës, kryeministrin e Serbisë, mediat, gazetarët, opinionistët… deri tek qytetarët e Preshevës dhe Kosovës. Të gjithë u bënë copëza të skandalit më të madh shqiptar të viteve të fundit. Skandalit “Lapidarogate”.
Por , zakonisht skandalet e këtij niveli marrin dikë me vete, shkaktojnë viktima të fajshme e pafajshme. Tek “Lapidarogate” nuk kishim një përfundim të stilit alla Watergate. Tek skandali amerikan Watergate shkoi koka e vet presidentit amerikan Nikson dhe dhjetëra nëpunësve të administratës së tij. “Lapidarogate” jo që nuk kishte forcën shkatërrimtare të Watergate, por terreni ku kishte goditur nuk ishte i njëjti me terrenin ku ra Watergate.
“Lapidarogate” goditi mbi një rajon ku demokracia praktikisht nuk ekziston si metodë sundimi; ku klasa sunduese sundon mbi bazat e manipulimit dhe monopolit ekonomik mbi qytetarët; ku gazetaria sulmohet dhe shantazhohet me metodat sovjetike; ku mentaliteti qytetar funksionon mbi parimin leninist shtet-parti-lider; ku libreza partiake vret çdo diplomë universitare dhe punësimi nuk kërkon kualifikim akademik; ku biznesi nuk dallon nga hajnia dhe politika nuk dallon nga biznesi; ku qytetari nuk duhet të dijë të mendojë – ai vetëm duhet të dijë të jetë shërbyes i politikës ditore, deri në verbëri. Qytetari nuk guxon të mendojë, sepse po ndodhi e kundërta, ai do të quhet tradhtar, spiun, labil, joserioz . Andaj “Lapidarogate” nuk pati suksesin filtrues të Watergate.
Morri fund edhe ky skandal. Askush nuk u dënua, askush nuk dha përgjegjësi për situatën traumatike që përjetuan qytetarët gjatë mëngjesit të 20 janarit 2013. Asnjë shkarkim, asnjë kërkim falje për gabimet, asgjë. Thjeshtë "nuk ndodhi ", kaq. Qytetarët atë që duhet të bëjnë është "ta harrojnë" skandalin dhe vazhdojnë tutje. Ndryshe do të quhen spiunë, tradhtarë, labilë, joseriozë.
“Lapidarogate” zbuloi atdhetarët e sinqertë dhe seriozë nga atdhetarizmi i kot deklarativ. Zbuloi mendjet e mençura dhe të durueshme nga kokat e nxehta disfatiste. Zbuloi qytetarin e thjesht, por patriot, dhe qytetarin intelektual e të etur për pushtet dhe lavdi. Zbuloi shpirtin tonë, mentalitetin tonë, besimin tonë dhe në fund na zbuloi vet neve: popullin shqiptar të Kosovës Lindore.
Kush di ta shfrytëzojë për të mirë le të mësojë, e kush do ta shfrytëzojë për të keqe le të mësojë nga ai.
Promo
Reklamo këtuLufta Prigozhin - Putin
Më shumëShkëlqeu ndaj Man Cityt dhe në klub ende e duan, por veterani i Real Madridit ia ka kumtuar Perezit largimin për në fund të sezonit
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Reagon presidenti iranian, Zelenskyt hatërmbetje me aleatët – detaje dhe pamje, minutë pas minute, rreth ‘hakmarrjes’ së Izraelit ndaj Iranit
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
Izraeli e njoftoi në minutën e fundit SHBA-në për sulmin ndaj Iranit
Zinedine Zidane ‘një hap larg’ emërimit si trajner i gjigantit të njohur evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi