0Shares

Policia e Kosovës ka njoftuar se gjatë orëve të fundit kanë ndodhur më shumë se dyzet aksidente trafiku, ku prej tyre disa kanë përfunduar me lëndime trupore, ndër ta edhe një fëmijë në Prizren dhe tjetri në Malishevë.

Sipas policisë, në rrugën “Ismajl Qemajli” në Prizren, ngasësi me veturë civile me targa vendore nga pakujdesia ka goditur një fëmijë, këmbësor, duke i shkaktuar lëndime trupore.

Këmbësori pas tretmanit mjekësor në spitalin e Prizren është liruar në shtëpi.

Kurse, në rrugën “Rilindja Kombëtare” në Malishevë një person me veturë civile nga pakujdesia ka goditur po ashtu një fëmijë, duke i shkaktuar lëndime trupore.

Këmbësori pas tretmanit mjekësor në shtëpinë e shëndetit në Malishevë është dërguar në QKUK për tretman të mëtutjeshëm mjekësor.

Po ashtu, në fshatin Lladroviq të Malishevës ka ndodhur aksident trafiku në mes dy veturave civile me targa vendore. Si pasoj e aksidentit është lënduar pasagjerja femër e cila pas tretmanit mjekësor në shtëpinë e shëndetit në Malishevë është liruar në shtëpi. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)