Lidershipi i Luginës
Lugina e Preshevës, trevë kjo e banuar me shumicë Shqiptare, po i reziston me një qëndresë të pashembullt një politike shoviniste të pushtetit serb, të trashëguar nga doktrina politike e diktatorit ballkanik, Sllobodan Milosheviq.
Tensionimi i gjendjes në Luginë të Preshevës, e që në fakt për shqiptarët e Luginës mbretëron për vite të tëra, një situatë e tillë po ndiqet me vëmendje të veçantë nga i gjithë spektri politik mbarëkombëtar. Reagimet e dy qeverive shqiptare, me aktin makabër të pushtetit serb mbi heqjen e Lapidarit në qendër të qytetit të Preshevës, janë për t’u vlerësuar. Reagimet e ashpra si nga qeveria e Shqipërisë, po ashtu edhe nga qeveria e Kosovës, si dhe instruksionet e tyre për stabilizimin e situatës së tej rënduar politike në Luginë, janë reagime identike me reagimet e ambasadave të vendeve që janë edhe djepi i demokracisë, si ajo e SHBA-së dhe Britanisë së Madhe.
Shqiptarët u sakrifikuan për shekuj të tërë, për çlirimin e Kosovës nga pushtimi serbë. Ky objektiv u arrit me vuajtjet më mizore që mund të ekzistojnë, me një gjak derdhje të pashembullt në historinë moderne të njerëzimit. Sakrifica mbarëshqiptare solli pavarësinë e Republikës së Kosovës. Diplomacia kosovare dhe mbarëkombëtare, si dhe me ndihmën e aleateve të kombit tonë, po bëjnë një lobim për mëveshjen e Kosovës me subjektivitetin ndërkombëtar, gjithnjë duke e paraqitur para botës demokratike argumentin bazë: “Faktor stabiliteti në rajonin e Ballkanit”.
Implikimi i Republikës së Kosovës, në çfarëdo forme të dhunshme për mbrojtjen e shqiptarëve të Luginës, do të ishte çelësi magjik që me automatizëm do ta bënte triumfues diplomacinë serbo-ruse. Shqiptarët, me ndjekjen e politikave civilizuese evropiane, përmbysën diplomacinë shoviniste serbe. Dialogu, një rrugë e përqafuar nga shqiptarët për zgjidhjen e problemeve politike, ka ngritur kulturën, moralin dhe dinjitetin tonë kombëtar në qarqet diplomatike ndërkombëtare. Reciprociteti si veprim hakmarrës, në këtë rast rrënimin e objekteve kulturore serbe në territorin e Kosovës, do ta zhyste diplomacinë e vendit në mjegull, nga e cila mund të numërohen vetëm humbjet.
Prandaj, Republika e Kosovës, si një faktor stabiliteti në rajon, duhet t’i shfrytëzojë vetëm mjetet demokratike për mbrojtje të shqiptarëve të Luginës. Nga ana tjetër, Qeveria e Shqipërisë ka premtuar ngritjen e shqyrtimit të situatës në instanca të ndryshme ndërkombëtare.
Lidershipi i Luginës, gjatë gjithë këtij procesi ka treguar dhe po tregon një pjekuri politike të nivelit të lartë. Deklarata e kryetarit te komunës së Preshevës se vandalizmit nuk do t’i përgjigjen me vandalizëm, është deklaratë që do ta jepte një burrështetas evropian. Grupi i Unitetit, morri nota të larta nga vendet e kuintit për menaxhimin e një situate të tillë politike. Largimi i Lapidarit preku ndjenjën e çdo shqiptari, fakt që nuk mund ta mohojë askush, por një veprim i tillë barbar do t’i sjell fitore të tjera shqiptarëve në përgjithësi.
Dëshmorët e kombit janë të pavdekshëm, këtë gjë e argumentoi edhe pllaka përkujtimore me efektet e prodhuara, si uniteti politik, senzibilizimi i çështjes së Luginës, trajtimi i veçantë i Luginës nga përfaqësuesit e vendeve të kuintit, e deri në ngritjen e çështjes në instancat më të larta të politikës ndërkombëtare. Çdo veprim i autoriteteve lokale të Luginës që do të ishte në kundërthënie me korin diplomatik, si kombëtar po ashtu edhe ndërkombëtar, do të sillte katastrofa të mëdha për shqiptarët e Luginës, do të shumëfishonte emra të rinj nëpër lapidare, e që kostoja do të jetë vetëm në kurriz të shqiptarëve.
Shqiptaret në përgjithësi, e të Luginës ne veçanti, ndjejnë një boshllëk të konsiderueshëm në zemrat e tyre me mos prezencën e dëshmorëve. Një konflikt i ri do të ketë edhe të rënët e vetë. Se a është i nevojshëm të rritet ky numër, përgjigjen do ta gjejë çdo kush në ndërgjegjen e tij.
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Pasuria e guvernatorit të BQK-së, drejtorit ATK-së dhe drejtorit të Doganës
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën