Birra nuk është vetëm pije

2:02 / 18.07.2012

Hulumtimet shkencore kanë treguar se birra është e pasur me materie të vlefshme që kanë veprim të mirë për organizmin, por me kusht që të mos teprohet.

Birra në histori

Nuk dihet me saktësi se kur u zbulua birra. Sot, provat më të lashta për ekzistencën e birrës mendohet të jenë rreth më se 6000 vjet dhe përshkruhen nga sumerët, të cilët kishin një qytetërim mjaft të lashtë.

Ajo u shpërnda në Evropë nga gjermanët dhe keltët, duke mbetur pija e preferuar e evropianëve. Birrat e para kishin në përbërjen e tyre: fruta, mjaltë, bimë të ndryshme, erëza, por edhe substanca që tashmë njihen si substanca narkotike. Galët e vjetër e kanë quajtur bukë të lëngët për çka ka shumë arsye.

Popullata e lashtë ilire, përveç kultivimit dhe përpunimit të rrushit, njëkohësisht prodhoi edhe birrën vendase. Ishte e njohur “Sabaja”, të cilën kryesisht e përdornin aristokracia ilire. Kontinuiteti i prodhimit të birrës është ndërprerë me depërtimin dhe pushtimin e Perandorisë Osmane në Ballkan.

Si prodhohet birra?

Birra është pije e lehtë alkoolike dhe freskuese, e cila prodhohet me procesin e fermentimit alkoolik nga malti, kuperi, uji dhe maji i birrës.

Vetit themelore të birrës janë: shija karakteristike (butësisht dhe këndshmërisht e hidhur), zhvillimi i shkumës së pasur dhe stabile e cila është me ngjyrë të bardhë, përmbajtja e vogël e alkoolit, e para së gjithash karakteri freskues.

Malti është lëndë e parë themelore që përfitohet prej elbit të birrës në repartin e fabrikës së maltit. Malti është elb i ulur, i mugulluar dhe në fund i tharë.

Kulperi i jep birrës idhtësinë dhe aromën. Ka përbërje edhe sasi rrëshire që ndikon në mënyrë antiseptike si dhe e ngrit qëndrueshmërinë e birrës.

Uji është përbërës kryesor i të gjitha pijeve. Përbërja kimike drejtpërdrejt ndikon në cilësinë e birrës.

Maji i birrës është lloj i veçantë i kulturës së pastër të majit me karakteristika të fermentimit të ultë.

Pse është birra e mirë?

Birra përmban të gjitha mineralet dhe drithërat nga të cilat përbëhet (më së shpeshti malti i elbit), posaçërisht vitaminën B6, e cila e mbron zemrën dhe enët e gjakut dhe “qetëson nervat”. Pastaj ndihmon në metabolizmin e sheqerit dhe ushqimin e lëkurës. Një shishe birrë në ditë plotëson nevojat e organizmit tonë për vitaminat e grupit B që ka edhe në tharmë buke, gjithashtu përbërës i birrës.

Përmban mineralet: K, Ca, P, Mg, Na, kështu që mund ta pinë edhe ata që mbajnë dietë pa kripë, e posaçërisht është i vlefshëm për të sëmurët nga veshkat me gurë ku bën shpërndarjen e gurëve të vegjël dhe largimin e tyre. Birra duke iu falënderuar përbërjes së vet ka veti edhe në mbajtjen e trashësisë së eshtrave, sidomos te gratë në menopauzë
që rrezikohen nga osteoporoza.

Sipas hulumtuesve francezë, pirja me masë nuk ka probleme as me helikobakter pilorin, që shkakton të thatin në lukth dhe gastritisin. Te meshkujt ndikon në rritjen e kolesterolit të mirë (HDL), kurse te gratë zvogëlon nivelin e kolesterolit të keq (LDL).

Një nga përbërësit e birrës, në përbërës ksantohumol ndikon në inhibimin e enzimave të cilët nxisin kancerin, thonë hulumtuesit e universitetit Oregon. Kjo, dmth se duhet marrë edhe një shishe birrë. Studimet preliminare në universitetin amerikan, thonë se ksantohumol mund të ndikojë në shkatërrimin e tumorit në fazat e para në gji, zorrë të trashë, vezore dhe prostatë.

Hulumtimet kanë treguar se të gjitha komponentët e birrës asimilohen dhe treten lehtë (tretshmëria e ekstraktit është mbi 95%), që konsumi i birrës në sasi të matur është shumë i shëndetshëm. Për shkak të përbërësve dhe ecurive të përdorura nga bërësit e birrës, birra mund të ndryshojë vetitë e saj në shije dhe ngjyrë.

Birrën preferohet ta pini të ftohtë, në temperaturë prej 6 deri në 12 gradë Celsius. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.