Cilin seks e konsiderojmë më të mirin

Është interesante që meshkujt kanë më pak prirje ndaj asaj sindrome “Ajo që është e huaja – është më e ëmbël” – 29 për qind syresh konsiderojnë që seksi me ish të dashurën ka qenë më i mirë se sa seksi me dashnoren e tashme, ndërkaq ky hulumtim është zbatuar nga kompania e cila merret me prodhimin e mjeteve ndihmëse seksuale, Lovehonehy. Janë pyetur 1.100 meshkuj dhe femra dhe ka rezultuar që femrat janë të prira të kenë më shumë nostalgji për ish të dashurit.
Seksologia Trejsi Koks konstaton se ky fenomen nuk është i ri. “Femrat zakonisht nuk martohen me mashkullin me të cilin kanë pasur seks të shkëlqyeshëm. Ato të shumtën e rasteve do të martohen për dikë që ka atribute “më të kuptueshme”, u interesojnë se a do të jetë ai mashkull besnik dhe a do të jetë baba i mirë”, konstaton Koks.
Përgjigjet e të dy gjinive gjithashtu kanë zbuluar se seksi është më i mirë me kalimin e viteve, ndërkaq mezi 7 për qind e meshkujve dhe e femrave kanë zbuluar që seksi për ta ka qenë më i mirë me ish-partnerët. Përveç kësaj, seksi i cili nuk krijon obligime nuk mund të krahasohet me seksin dhe bërjen dashuri në lidhje ndërmjet partnerëve, si te meshkujt, ashtu edhe te femrat. Të dy gjinitë pajtohen që seksin më të mirë e bëjnë dashuria dhe epshi. Vetëm 4 për qind e femrave dhe 3 për qind e meshkujve kanë pranuar që seksin më të mirë e kanë përjetuar në aventurat e vetëm një nate.
Ndërkaq, 60 për qind e femrave dhe 70 për qind e meshkujve kanë pranuar se seksi për ta është shumë më i mirë me partnerët e tyre aktualë.
Kur është fjala për eksperimentimin, siç është ai se si praktikohen personazhet nga romani hit “Pesëdhjetë nuanca të hirta”, meshkujt pranojnë që ato për ta janë super, ndërkaq 26 për qind kanë thënë se seksin që kurrë më parë nuk e kanë bërë ka qenë njëri ndër arsyet që e kanë shpallur më të mirin në jetë. /Telegrafi/